“Siwezi kupigana siku hiyo, promota amekiuka
makubaliano yetu kwenye malipo hivyo sichezi,” alisema Maugo jana katika
mahojiano na gazeti hili.
Maugo na Mashali walitarajiwa kuzichapa Agosti 30
kwenye ukumbi wa Diamond Jubilee, pambano la raundi 12 linalosimamiwa na
Oganaizesheni ya ngumi za kulipwa Tanzania (TPBO).
“Promota aligoma kunipa malipo ya awali kwa madai
kuwa atatoa nitakaporejea kutoka Russia kwenye pambano jingine kwa
kuhofia huenda mimi ningeumia.
“Cha kushangaza tangu nimerudi amegoma kunipa
fedha zangu kama tulivyokubaliana, huku pambano likiendelea kutangazwa.
Sichezi na wala sitaki kuingia kwenye malumbano,” alisema Maugo.
Bondia huyo anayekamata namba tatu kwenye viwango
vya ubora nchini, alibainisha hana mazoezi baada ya kukwama kuanza kambi
kujiwinda na pambano hilo kufuatia kukosa fedha hizo.
Promota wa pambano hilo, Jay Msangi alipozungumzia juu ya madai hayo ya Maugo alisema: “Nilimpa Maugo fedha
kiasi lakini sikujua kama anahitaji fedha nyingine zaidi. Pesa zinatoka
kwenye kampuni yenye utaratibu, hatuwezi kumlipa kienyeji.”