TAIFA STARS SASA KUFANYA MAZOEZI MARA MOJA TU KWA SIKU

Na Saleh Ally, Kartepe

 

Kikosi cha timu ya soka ya taifa, Taifa Stars, sasa kitakuwa kikifanya mazoezi mara moja tu kwa siku kuanzia juzi Jumamosi.

Kocha wa Taifa Stars, Charles Boniface Mkwasa, amesema atafanya hivyo ili kuepusha kuwachosha wachezaji.

“Mazoezi yataendelea, lakini itakuwa ni mara moja kwa siku na zaidi tutachezea mpira sana.

 “Hii ni kuepusha kuwachosha wachezaji, maana tulifanya mazoezi kwa nguvu sana siku za mwanzo baada ya kufika Uturuki,” alisema Mkwasa.

“Utaona hata mechi dhidi ya Libya pia ilikuwa nguvu na wachezaji walipambana sana. Hivyo sasa tutachezea mpira na mambo ya kiufundi zaidi,” aliongeza.

Stars inatarajia kuivaa Nigeria Septemba 5 katika mechi ya kuwania kucheza Kombe la Mataifa ya Afrika (Afcon), itakayopigwa kwenye Uwanja wa Taifa jijini Dar es Salaam.