Okwi aliuzwa Etoile mapema mwaka huu kwa kitita
cha Dola za Marekani 300,000 (Sh500 milioni) na kulipwa mshahara wa dola
15,000 (Sh24 milioni) mwa mwezi.
Akizungumza na mtandao huu mwishoni mwa wiki,
Makamu Mwenyekiti wa Simba, Joseph Itang’ale alisema tayari wameandika
barua TFF na Shirikisho la Soka Duniani (Fifa) kuomba msaada ili walipwe
fedha hizo.
“Tulishaandika barua toka mwezi uliopita,
tumeambiwa tuvute subira mpaka Juni 15, huenda fedha hizo zitakuwa
zimeshaingia,” alisema.
Itang’ale alisema mpaka kufikia tarehe hiyo kama hawatalipwa pesa zao, watajua nini cha kufanya.
“Ni muda mrefu sasa toka watuahidi kutulipa na
hakuna walilotekeleza mpaka sasa,” alisema na kuongeza. “Tumekuwa
tukiwafuatilia kila wakati kwa lengo la kuwakumbusha kuhusu pesa hizo.”
Alisema majibu waliyokuwa wakipewa hayawaridhishi ndiyo maana wameamua kuandika barua ngazi za juu kuomba msaada.
“Wanajitetea kwa kusema nchini kwao kuna vuguvugu za kisiasa jambo ambalo ni vigumu kuhamisha pesa,” alisema Itang’ale.