Waziri Mukangara kufungua Ummiseta leo

Waziri wa Habari, Vijana, Utamaduni na Michezo, Dk. Fenella Mukangara

Waziri wa Habari, Vijana, Utamaduni na Michezo, Dk. Fenella Mukangara atafungua rasmi michuano ya taifa ya mwaka huu ya Umoja wa Michezo wa Shule za Sekondari Tanzania (Umisseta).

 

Hadi sasa, tayari wanamichezo kutoka katika kanda 11 za Tanzania Bara na moja kutoka Zanzibar wameshawasili mjini hapa kushiriki mashindano hayo.

 

Afisa Michezo na Utamaduni Ofisi ya Waziri Mkuu (Tamisemi), Mohamed Kiganja, alisema kuwa ufunguzi rasmi utaanza saa 7:00 mchana kwenye viwanja vya Shule ya Sekondari Kibaha, ukitanguliwa na gwaride la wanamichezo wote watakaoshiriki mashindano hayo.

 

"Michezo ya netiboli itahusisha timu za wasichana pekee na mchezo wa bao utahusisha timu za wavulana tu... michezo mingine yote iliyobaki itawashirikisha wavulana na wasichana," alisema Kiganja, huku akiitaja baadhi ya michezo mingine kuwa ni kikapu, riadha, wavu, mpira wa mikono na soka," alisema Kiganja.