BALE KUIKOSA LIGI KUU ENGLAND

Gareth Bale

Gareth Bale hatashiriki na kikosi cha Tottenham Hotspur katika mwanzo wa msimu wa Ligi Kuu Uigereza kulingana na meneja wa klabu hicho, Andre Villas-Boas huku uvumi kwamba nyota huyo atahamia wabambe wa Uhispania, Real Madrid, ukizidi.

Bale alikosa mechi ya kirafiki ta taifa lake Wales dhidi ya taifa la Ireland Jumatani ambayo ilitamatika sare tasa na Villas-Boas ameelezea kuwa shida iliyomkumba kiungo huyo itamzuia kucheza katika mechi yao ya ufunguzi ugenini kwa Crystal Palace ambao walipanda daraja hadi ligi kuu msimu jana hapo Jumapili.
“La hasha, hatocheza kwani amejeruhiwa kwa kipindi kikubwa cha matayarisho ya msimu. Alihusika katika mechi dhidi ya Brentford na Swindon kabla ya kujeruhiwa katika misuli ya guu ambalo limemzuia kutocheza wiki mbili huku akilalamikia uchungu.
“Basi hakuna lingine ila kutomhusisha dhidi ya Palace,” kocha huyo Mreno alisema.
Vichwa vya habari vimetawaliwa na mchipuko kuwa Bale angehamia Madrid kwa kitita cha pauni za Uingereza milioni 80 au zaidi katika mkataba ambayo utavunja rekodi ya dunia iliyowekwa na klabu hicho kilipomsajili Cristiano Ronaldo mwaka wa 2009.
Makubaliano hayo bado hayajatimia kumaanisha kuwa hatima ya Bale ingali hewani hadi Septemba 2 ambayo ni makataa ya dirisha la sasa la uhamisho.