RAGE ANATAPATAPA HOVYO- HANSPOPE

Mwenyekiti wa kamati ya usajili ya klabu ya Simba Zackaria Hanspope 'Kamanda' amesema kuwa mwenyekiti aliyesimamishwa wa Simba Ismail Aden Rage ameanza kutapatapa hovyo baada ya kushindwa kurejea katika nafasi yake aliyokuwa nayo na kukubali matokeo lakini wao hawajamtenga.

Akizungumza katika kipindi cha michezo cha Magic FM kinachorushwa kila siku saa mbili usiku, Hanspope amesema kuwa anamshangaa Rage kwa kukaidi uamuzi wa kamati ya utendaji ambayo ilichukua hatua ya kumsimamisha kutokana na kushindwa kuiongoza Simba inavyotakiwa na kufanya mambo yake kibinafsi.

Pope alidai wanasimba wamefikia hatua sasa wamechoka na kuchukua maamuzi magumu, hata hivyo mwenyekiti huyo wa usajili amedai anaendelea na kazi yake ya kusajili nyota muhimu kulingana na matakwa na kocha wao mpya Mcroatia Zdravko Lugarusic.


Simba imeanza mazoezi yake kujiandaa na mchezo wa ngao ya Hisani dhidi ya mtani wake Yanga hapo Desemba 21 mwaka huu kwenye uwanja wa Taifa jijini, Adiha kigogo huyo amefafanua kuwa Rage hajatengwa kama inavyodaiwa na baadhi ya vyombo vya habari kuwa wanamkaribisha kukaa naye meza moja kama anataka kufanya hivyo.

Pia wanazingatia siku ya wmisho kwa kiongozi huyo aliyopewa na TFF kuitisha mkutano mkuu wa dharula wa wanachama wote.