AZAM MBIONI KUMSAJILI MGANDA.

Azam imeanza mchakato wa kumsajili kiungo wa Uganda anayekipiga katika klabu ya URA ya nchini humo, Owen Kasule ili imtumia kuanzia msimu ujao wa Ligi Kuu Tanzania bara.

Akizungumza kwenye Uwanja wa Azam Complex mara baada ya pambano baina ya Azam na Prisons kumalizika, Kasule alisema yuko tayari kujiunga na Azam kwa vile anaamini ni klabu kubwa na yenye mipango mizuri.

“Nimekuja leo (juzi) saa tano kutoka kwetu Uganda kwa ajili ya kufanya mazungumzo na Klabu ya Azam ambayo naamini ni klabu kubwa hapa Tanzania.


“Mazungumzo rasmi kati yetu yatafanyika kesho (jana)lakini naamini tutafikia muafaka kwa vile napenda kuja kucheza hapa, nahitaji changamoto mpya,”alisema Kasule.

Aliongeza,”Mkataba wangu na URA utamalizika Julai mwaka huu hivyo haKutakuwa na kikwazo endapo tutakubaliana katika suala la maslahi.”

Kasule aliibuka mfungaji bora katika michuano ya Kombe la Mapinduzi iliyofanyika Zanzibar kuanzia Januari 2 hadi 13 mwaka huu, ambapo URA ilishiriki kama klabu mwalikwa.

Katika pambano kati ya Azam na Prisons ambalo liliisha kwa sare ya mabao 2-2, Kasule alionekana akilifuatilia kwa karibu