VIBONDE wa Yanga Ruvu Shooting ya Mlandizi mkoani Pwani ambao walipigwa mabao 7-0 na Yanga wiki iliyopita wamepanga kuizidia Simba katika mtanange wao utakaopigwa Jumapili ya kesho kutwa katrika uwanja wa Taifa jijini Dar es Salaam.
Timu hizo zinashuka dimbani zikiwa na hasira ya kupoteza mechi zake zilizipita,Ruvu Shooting ilikumbwa na dhahama ya magoli baada ya kufungwa magoli 7-0 na mabingwa watetezi wa ligi kuu bara Yanga wakati Simba ilipokea kichapo cha mabao 3-2 toka kwa maafande wa JKT Ruvu.
Msemaji wa Ruvu Shooting Masau Bwire ametamba kuibuka na ushindi na kudhihirisha kwamba walikosea katika mchezo wao na Yanga na wala si vibonde,Bwire amesema kuwa timu yake ni nzuri na imejiandaa vyema na mchezo huo, akiielezea Simba msemaji huyo amedai Simba kwa sasa ni mdebwedo na watapata matokeo mazuri.
Simba nayo imeapa kurejesha imani kwa mashabiki wake na kuwaahidi kufungwa basi tena kwani inaweza kutokea vurugu endapo itafungwa, msemaji wa Simba Asha Muhaji alisema kuwa kikosi chao kiko imara kuibuka na pointi tatu katika mchezo huo