BATAROKOTA AWAANGUKIA MASHABIKI WAKE

Msanii wa muziki wa kizazi kipya anayetamba na wimbo wake wa Kisukuma Kwejaga-nyangisha Batarokota Linda amewaangukia Watanzania na kuwaomba wampigie kura ili aweze kushinda kwenye tuzo za Kill Music Award 2014.

Akizungumza na gazeti hili mara baada ya kumalizika semina iliyoandaliwa na wadhamini wa tuzo hizo Kilimanjaro Premium Lager zilizofanyika katika ukumbi wa Double Three Masaki, Batarokota amewaomba Watanzania kumsaidia kwa hali na mali ili ashinde.

Amesema kuwa wimbo wake wa Kwejaga-nyangisha umeingia katika kinyang'anyiro cha tuzo hizo kutokana na kubeba utamaduni halisi wa Mtanzania.


Wimbo huo umeingia katika kipengere cha nyimbo zenye vionjo vya asili na umekuwa ukifanya vizuri kwa sasa, 'Nawaomba Watanzania wanipigie kura, namba ya kupiga kura ni 15440 na ili wanipigie waanze na AB1', alisema.