Akiwa huko Ujerumani, Diamond alifanya shoo moja iliyokusanya umati mkubwa wa watu lakini akajikuta anapelekwa katika ukumbi mdogo usiofaaa kwa onyesho na kuwafanya watazamaji waliofurika kupoanda jukwaani ili kuweza kushuhudia vizuri na kupata hewa.
Ukumbi huo mdogo usio na hadhi hata kidogo kwa msanii huyo anayekubalika barani Afrika mashariki, akiandika katika ukurasa wake wa Facebook, Diamond alionyeshwa kukerwa.
'Kiukweli nimesikitishwa sana na uandaaji wa kampuni hii ya BRITTS EVENTS iliyoandaa show ya Stuttgart Germany... kinachoniuma na kunisikitisha zaidi ni jins watu walivyoamua kujitolea kuja kutusupport vijana wao kwa wingi, halaf mwisho wa siku promoter anatupeleka wasanii kwenye show saa kumi alfajiri' alisema na kuongeza.
'Najua ni kiasi gani mmeumia na kuwa disappointed... lakini naomba mtambue kuwa halikuwa ni kosa langu, coz mimi ni mgeni tu, na nafata maelekezo ya promoter...hivyo nisingeweza kujiamulia kuja muda ninaoutaka mimi' alisikitika.
Aidha msanii huyo amemponda promota huyo kwa kile alichokifanya ambapo kimeonyesha kumuharibia kwa mashabiki wake.