JERRY MURO MSEMAJI MPYA YANGA SC, KIZUGUTO APEWA UMENEJA

KAMA alivyopokea ofisi kwa mbwembwe kutoka kwa Lous Sendeu, Msemaji wa Yanga, Baraka Kizuguto, amechomolewa kwenye nafasi hiyo na nafasi akapewa Jerry Muro mtangazaji wa zamani wa ITV na TBC1.


Habari kutoka ndani ya klabu hiyo zinasema kuwa uamuzi huo wa Yanga ulitolewa katika kikao kilichofanyika jana Jumapili ambapo sasa Kizuguto atakuwa Meneja wa timu.

Staa wa leo inajua ni katika hali ya kutekeleza maagizo ya Uongozi wa juu ambao unataka timu ijiendeshe kiumakini zaidi.

“Mkataba wake pia ulikuwa unakwenda ukingoni, huenda ameamua kutomwongeza mkataba mpya,” kilisema chanzo chetu ambacho kimesisitiza kwamba sasa Yanga inajiendesha kibiashara zaidi hivyo inaajiri watu kwa malengo maalum ndiyo kusudio pia la kumleta kocha Marcio Maximo kwa gharama kubwa.

Chanzo Mwanaspoti