KONE AWAAMBIA WIGAN ANATAKA KUTUA EVERTON KWA BABA YAKE MARTINEZ

MSHAMBULIAJI Arouna Kone anayetaka kuondoka amewaambia Wigan anataka kusaini Everton akiondoka Uwanja wa DW.

Timu zote, Norwich na Swansea ziko tayari kulipa Pauni Milioni 6 kuununua Mkataba wa mchezaji huyo.

Lakini nyota huyo wa Ivory Coast anataka kuungana na kocha wake wa zamani, Roberto Martinez, ambaye amehamia Goodison Park mwezi uliopita.

Nipelekeni Goodison: Arouna Kone anataka kuungana na kocha wake wa zamani, Roberto Martinez klabu ya Everton

Kazi mpya: Roberto Martinez amekuwa kocha wa Everton kuchukua nafasi ya David Moyes

Alikuwa Martinez aliyemvuta Kone, mwenye umri wa miaka 29, England miezi 12 iliyopita kwa Pauni Milioni 3.5 kutoka Levante.

Na mshambuliaji huyo anaamini Mspanyola huyo anaweza kumfanya aendelee kuwa bora katika Ligi Kuu ya England.