Akizungumza na mwandishi wa habari hizi, Dayna amesema kuwa wimbo wa 'Number One' ni wa kwake na aliurekodi kwenye studiao za Burn Record zilizopo Tabata jijini zilizo chini ya prodyuza chipukizi Sheddy Clever.
Anadai kuwa Diamond aliamua kwenda kwenye studio hizo kwa ajili ya kurekodi wimbo wake mpya ndipo alipokula njama na prodyuza huyo chipukizi na kuchukua 'Beats' ya wimbo wake kisha kumpa Diamond kitendo ambacho anakipinga kwa nuguv zote.
'Ni kweli Diamond kaniibia wimbo wangu, inaniuma sana kwa sababu mimi ndio nilipanga kumshirikisha Diamond katika wimbo huo wa Number One, Nilimpigia simu nikamwambia nahitaji kufanya naye kazi akakubali ila akaniambia yuko nje ya nchi, akasema nimtumie beat asikilize ili atakaporudi tu tuweze kufanya kazi, cha ajabu baada ya muda mfupi nikawa napigiwa simu na wasanii wenzangu kwamba Diamond anatumia beat yangu', aliongeza Dayna.
'Kumbe kweli alienda pale pale kwa Sheddy Clever karekodi Number One, kiukweli naumia sana kuona mtu anafaidika kupitia mgongo wangu ila mungu yupo kama kweli hii nyimbo ni halali yangu atanionyeshea njia', aliendelea kulalamika