AMISSI TAMBWE AKARIBIA KUTUA YANGA 2014

BAADA ya kuvuma kwa taarifa kwamba mshambuliaji hatari na anayeongonza kwa upachikaji magoli ligi kuu ya Vodacom Tanzania bara Amissi Tambwe wa Simba SC kuweka wazi mpango wake wa kusajiliwa na Yanga endapo itampa mshahara mnono kama anaolipwa Emmanuel Okwi hatimaye Yanga imetamka rasmi.

Yanga kupitia kamati yake ya usajili imeweka bayana kuwa msimu ujao itasajili straika anayetisha kwa ufungaji ili kusaidiana na Okwi pamoja na Ngasa, Kavumbagu, aidha kamati hiyo haitaja jina la mshambuliaji huyo ila STAA WA LEO inafahamu ni Amissi Tambwe wa Simba.

Uongozi wa Yanga unajipanga vikali kuhakikisha inaisuka upya Yanga ambayo imeonyesha kandanda safi na la kuvutia ambalo liliwachosha kabisa mabingwa wa kihistoria duniani Al Ahly ya Misri ambayo ilijikuta inasubiria hatua ya penalti ili kuamua hatma yao ya kusonga mbele katika ligi ya mabingwa Afrika.


Yanga ilitolewa na Al Ahly kwa mikwaju ya penalti 4-3 baada ua kufungana 1-1 katika mechi mbili za michuano hiyo, mchezo wa kwana uliofanyika uwanja wa Taifa jijini Dar es Salaam Yanga ilishinda kwa bao 1-0 kabla nayo haijafungwa 1-0 katika mechi ya marudiano iliyofanyika mjini Alexandria, Misri