MALAWI HAIJAJITOA MATAIFA AFRIKA.

Wachezaji wa Malawi

Rais wa shirikisho la mchezo wa soka nchini Malawi, FAM, Walter Nyamilandu, amekariri kuwa timu ya taifa ya nchi hiyo, haijajiondoa kutoka kwa mechi za kufuzu kwa fainali ya kombe la mataifa bingwa barani, ACN, itakayoandaliwa nchini Morocco.

Jarida moja nchini Malawi ilikuwa imemnukuu, Nyamilandu akisema taifa hilo halina budi ila kujiondoa, kwa sababu serikali ya nchi hiyo iliwashauri kutoipa kipau mbele kutokana na ukosefu wa fedha.

Lakini imesemekana kuwa serikali ya Malawi, ilikuwa imeeleza shirikisho hilo kuwa, ilikuwa na fedha zitakazotosha timu hiyo ya taifa kushiriki katika mechi hizo za kufuzu au fainali ya kombe ya taifa bingwa barani kwa vijana chipukizi itakayoandaliwa nchini Senegal mwaka wa 2015.


Lakini siku ya Jumatano, Nyamilandu, ameiambia BBC, kuwa wao hawajajiondoa na hawana nia yoyote ya kujiondoa.

Tatizo la ukosefu wa fedha sio jambo geni kwa timu hiyo ya Malawi, ambayo Septemba mwaka uliopita ilishauriwa na serikali kutoshiriki mechi yao ya kufuzu dhidi ya Nigeria mjini Calabar, kwa kuwa shirikisho hilo lilikuwa limemaliza fedha zilizotengewa na serikali.

Wachezaji wa Malawi

Lakini FAM, haitihi ushauri huo, hali iliyolazimisha serikali ya nchi hiyo kukopa deni la dola elfu tano mia mbili kutoka kwa hazina ya taifa ya rais ya michezo mbali na fedha zingine dola elfu mia moja arubaini na tatu walizokuwa wametenga kutumia wakati wa mechi hiyo.

Wadadizi wanahisi kuwa matamshi ya Nyamilandu ni ya kushinikiza serikali ili kutoa fedha zaidi kwa timu hiyo ya taifa.