BARCELONA YAILOWESHA MAN CITY 2-1

BARCELONA imemalizia vizuri biashara baada ya usiku wa jana kuichapa Manchester City mabao 2-1 na kutinga Robo Fainali ya Ligi ya Mabingwa Ulaya kwa ushindi wa jumla wa mabao 4-1.

Katika mchezo huo uliofanyika Uwanja wa Camp Nou, mabao ya Barca yalifingwa na Lionel Messi dakika ya 67 na dani Alves dakika ya 90, wakati bao City lilifungwa na nahodha wake, Vincent Kompany dakika ya 89.

Man City iliyofungwa 2-0 Uwanja wa Etihad katika mechi ya kwanza ya hatua ya 16 Bora, ilipata pigo jana dakika ya 78 baada ya mchezaji wake, Pablo Zabaleta kutolewa nje kwa kadi nyekundu.


Katika mchezo mwingine, PSG nayo ilimalizia vizuri biashara baada ya kuifunga Bayer Leverkusen mabao 2-1 Uwanja wa Pac de Princes hivyo kufuzu kwa ushindi wa jumla wa 6-1, baada ya awali kushinda 4-0 ugenini.