MAN UNITED YAJARIBU TENA KWA FABREGAS

KLABU ya Manchester United inajianda kuvunja rekodi yake ya usajili kwa kutuma ofa ya mwisho ya Pauni Milioni 35 kwa Barcelona ili kumsajili Cesc Fabregas.

Kiungo huyo wa Hispania ni mlengwa mkuu wa David Moyes kocha huyo mkuu wa United akitazamiwa kuimarisha kikosi chake kabla ya kuanza kwa msimu. 

Mabingwa hao wa Ligi Kuu England wamekuwa kwenye majadiliano na Barcelona kwa wiki kadhaa, huku ofa za awali za Pauni Milioni 26 na Milioni 30 zikipigwa chini na klabu hiyo ya Katalunya

REKODI ZA USAJILI UNITED

Roy Keane (Nottingham Forest, £3.75m - Julai 1993)
Andy Cole (Newcastle, £7m - Januari 1995)
Jaap Stam (PSV, £10.75m - Julai 1998)
Dwight Yorke (Aston Villa, £12.6m - Agosti 1998)
Ruud van Nistelrooy (PSV, £19m - Julai 2001)
Juan Sebastian Veron (Lazio, £28.1m - Julai 2001)
Rio Ferdinand (Leeds, £30m - Julai 2002)
Dimitar Berbatov (Tottenham, £30.75m - Septemba 2008)

(£, maana yake Pauni)

Sasa, United inajiandaa kurejea na dau la Pauni Milioni 35, ambalo litapiku dau la Pauni Milioni 30.75 ambazo kocha Sir Alex Ferguson alitoa kumnunua Dimitar Berbatov mwaka 2008. 

Hadharani, Barca wanaendelea kusistiza Fabregas hatauzwa na kocha mpya Gerardo Martino amesema: "Siwezi kujihusisha na akaundi za klabu, lakini kwa kuzingatia klabu imekwishakataa ofa mbili, naweza kuhisi na ofa ya tatu nayo pia itakataliwa,".

Tunafahamu Fabregas amewaambia rafiki zake atafungua uwezekano wa kujiunga na United na yuko tayari kuungana tena na mchezaji mwenzake wa zamani wa Arsenal, Robin van Persie.