MTOTO wa kocha wa Chelsea, Jose Mourinho amesaini kwa wapinzani katika Ligi Kuu ya England, Fulham.Kipa huyo mwenye umri wa miaka 14 amejiunga na timu ya vijana ya Craven Cottage baada ya kufuzu majaribio ya mwezi mmoja katika klabu hiyo.
Jose Mario awali alichezea timu ya vijana Hispania za Real Madrid, Canillas wakati baba yake alipokuwa akifanya kazi Bernabeu.
Lakini gazeti la Hispnia, Marca limeandika Mourinho Jnr hakutaka kumfuata baba yake Chelsea na kuamua kujiunga na U-14 ya Fulham.
Mkataba ni wa msimu mmoja kwa sababu huo Mkataba mrefu ambao mchezaji anapokuwa ugenini anaruhusiwa kusaini.
Mourinho mdogo ana matumani ya kufuata nyayo za babu yake, Jose Manuel Mourinho Felix ambaye alikuwa kipa hodari Ureno miaka ya 1970 hadi kuchezea timu ya taifa.