Uongozi wa Yanga umetoa tamko hilo na kudai hakuna pengo lolote kuondoka kwa nyota hao kwani Yanga imeshawahi kuwa na wachezaji nyota lakini wote wakaondoka na hadi sasa Yanga bado ipo na inaendelea kutesa.
Kiongozi mmoja wa ngazi ya juu wa timu hiyo ambaye amekataa kuanika jina lake kuhofia usalama wake amedai klabu ya Yanga imeshawaji kuwa na wachezaji nyota na mahiri hapa nchini lakini waliondoka klabuni hapo na kujiunga na timu nyingine.
Aidha kigogo huyo amemtaja mshambuliaji aliyepata kuichezea Yanga na baadaye kucheza soka la kulipwa barani Ulaya Nonda Shaaban 'Papii', kigogo huyo amedai hadi sasa hajatokea mchezaji kama Nonda katika ardhi ya Tanzania.
Nonda amecheza soka la kulipwa katika vilabu vya Rennes na Monaco vyote vya Ufaransa, AC Roma ya Italia, Black Burn Rovers ya Uingereza na FC Galatasaray ya Uturuki, nyota huyo raia wa DR Congo alipata kuichezea klabu ya Yanga na kung'ara lakini akaondoka na kuicacha Yanga ikiendelea kuchanua matawi ya juu