MAFUNZO YAAHIDI KUIPA KIPIGO SIMBA

Huenda leo kikosi cha Simba kikajikuta kinapata ushindani wa aina yake baada ya timu ya Mafunzo kutoka Zanzibar kutangaza kuonyesha ushindani mkubwa dhidi ya Simba ambao watakutana katika mchezo wa kirafiki ukiwa na malengo ya kuwatambulisha nyota wapya wa Simba.


Uongozi wa timu hiyo ya Mafunzo umewataka mashabiki wa soka jijini Dar es Salaam kujitokeza kwa wingi ili kushuhudia burudani safi kutoka kwa timu ambayo imeonyesha ukaribu na mabingwa wa soka nchini Yanga, Mafunzo ambao wamekuwa na historia nzuri katika mashindano kadhaa inayoshiriki itashuka dimbani jioni ya leo kuikabili Simba.

Simba imeamua kuutumia mchezo huo kwa ajili ya kuwatambalisha nyota wake watatu iliowasajili hivi karibuni, nyota hao ni pamoja na aliyewahi kuwa nahodha wa timu hiyo Henry Joseph na warundi wawili Kaze Gilbert na Amisi Tambwe.

Mchezo huo ulikuwa uchezwe jana lakini ukasogezwa mbele na m,uandaaji wa mechi hiyo George Wakuganda kwa ajili ya kuwapisha wapenzi wa kandanda jijini wanaopenda kufuatilia ligi ya Uingereza ambapo kulifanyika pambano la kukata na shoka kati ya mahasimu Liverpool na Man United